Notre site fait peau neuve ! Nous travaillons actuellement à son amélioration.
Merci de votre patience et de votre compréhension.
Notre site fait peau neuve ! Nous travaillons actuellement à son amélioration.
Merci de votre patience et de votre compréhension.
Derrier Indie’s World ena enn lekip pasione ek angaze ki travay toulezour, lor teren Moris ek an Erop. Tou bann volonter, exsepte de travayer — enn ladan la depi koumansman — zot rasanble zot lafors pou sove, soinye ek donn enn lavenir bann lisien lari.
Ena enn lian spesial ant zot ek bann zanimo ki zot protez. Mem si zot vinn depi diferan sime, zot tou partaz enn sel kwayans : lamour san kondisyon ki enn lisien kapav donn. Enn lisien li plis ki enn konpagnon, li enn soutyen toulezour. San dir nanye, li santi nou santiman, kalme nou soufrans ek fer nou rapel : “Pa trakase, mo la, a kote twa.”
Rant dan lavantir Indie’s World, se angaze pou protez bann zanimo, me osi dekouver lafors sa lian-la ek pouvwar ki lamour enn lisien kapav ena.
Avan mo ti zwenn Indie, ti ena Foxy. Pandan 14 an, li ti mo lonbraz, mo pilie, li ti mars ek mwa dan sak etap mo lavi, depi Swis ziska Moris. O koumansman ti zis nou-de, apre antoure par plizir santenn lisien, me li toultan ti adapte ar enn bienveyans san limit, toultan akey sak nouvo lisien avek douser.
Kan Indie finn vini, lian-la ti imediat. Kouma mwa, Foxy finn kontan li depi premie regar. Kan Indie finn vini, lian-la ti imediat. Kouma mwa, Foxy finn kontan li depi premie regar. Depi li ti zenn, li finn pran li anba so lezel, netwaye li, montre li bann regle lisien, ek vey lor li kouma enn mama vey lor so zanfan.
Foxy pa ti zis enn lisienn, li ti mo lexanp, mo kamarad, mo pilier. Li ti santi mo santiman, konpran mwa san mo dir nanye. Zordi ankor, li inspir mwa.
Sak lisien mo sove, sak regar ranpli lespwar mo zwenn, fer mwa rapel kifer mo pe kontinie lager. Zot mo sours lenerzi, mo lafors pou kontinie avanse mem kan mo fatige, mem devan linzistis ek laviolans ki mo trouv tro souvan.
Dimoun souvan dir mwa sa bann lisien-la finn gagn sans pou trouv mwa… Me krwar mwa, se mwa ki finn gagn gran sans pou partaz zot lamour.
Barack ti premie lisien ki mo ti okipe dan lil Moris. Li ti gagn parvovirus (gastro), li ti dan gran soufrans. Depi premie moman, enn lian for finn kree ant nou. Ena enn kitsoz difisil pou explike dan enn sovtaz — enn koneksion for, enn relasyon ki form dan l’urgans ek lespwar.
Zordi, mo antoure par bann lisien ki finn sove, ek zot finn montre mwa boukou. Zot bann lexanp kouraz, rezilians, pasians, pardon… ek ankor plis.
Gras a zot, mo finn aprann kontrol mo santiman devan violans imin, abandon, soufrans ek lamor… Me pli inportan, mo finn transform sa douler-la an lafors, ek kre enn kominote angaze pou sanzman.
Nou misyon? Sensibilize, edike, partaz bann bon pratik. Parski sak imin merit gagn sans pou dekouver seki vedir partaz so lavi ar enn lisien — enn lamour pir, san kondisyon ek sinser.
Nou lekip rev bizin renfor.
